قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى  №277

  2016 جىلعى 27 ماۋسىم  استانا قالاسى «ينۆەستيتسيالىق باعدارلامالاردى ازىرلەۋ, بەكىتۋ جانە كەلىسۋ, سونداي-اق ولاردىڭ ىسكە اسىرىلۋى تۋرالى ەسەپتىلىكتى ۇسىنۋ قاعيدالارىن بەكىتۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 27 ناۋرىزداعى № 237 بۇيرىعىنا وزگەرىستەر ەنگىزۋ تۋرالى «قۇقىقتىق اكتىلەر تۋرالى» قازاقستان رەسپۋبليكاسىنىڭ 2016 جىلعى 6 ساۋىردەگى زاڭىنىڭ 2-تارماعىنىڭ 50-بابىنا سايكەس بۇيىرامىن: 1. «ينۆەستيتسيالىق باعدارلامالاردى ازىرلەۋ, بەكىتۋ جانە كەلىسۋ, سونداي-اق ولاردىڭ ىسكە اسىرىلۋى تۋرالى ەسەپتىلىكتى ۇسىنۋ قاعيدالارىن بەكىتۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 27 ناۋرىزداعى № 237 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10941 بولىپ تىركەلگەن, 2015 جىلعى 5 ماۋسىمدا «ادىلەت» اقپاراتتىق-قۇقىقتىق جۇيەدە جاريالانعان) مىناداي وزگەرىستەر ەنگىزىلسىن: كورسەتىلگەن بۇيرىقپەن بەكىتىلگەن ينۆەستيتسيالىق باعدارلامالاردى ازىرلەۋ, بەكىتۋ جانە كەلىسۋ, سونداي-اق ولاردىڭ ىسكە اسىرىلۋى تۋرالى ەسەپتىلىكتى ۇسىنۋ قاعيدالارىندا: 2-تارماقتىڭ 2) تارماقشاسى مىناداي رەداكتسيادا جازىلسىن: «2) مۇناي ونىمدەرىن ءوندىرۋشى – مەنشىك قۇقىعىندا جانە (نەمەسە) وزگە دە زاڭدى نەگىزدەردە مۇناي وڭدەۋ زاۋىتى بار جانە ءوندىرىس پاسپورتىنا سايكەس مۇناي ونىمدەرىن ءوندىرۋدى, سونداي-اق وندىرىلگەن مەنشىكتى مۇناي ونىمدەرىن وتكىزۋدى جانە (نەمەسە) الىس-بەرىس شيكىزاتىن قايتا وڭدەۋ ءونىمى بولىپ تابىلاتىن مۇناي ونىمدەرىن بەرۋدى جۇزەگە اسىراتىن زاڭدى تۇلعا;»; 18-تارماقتىڭ 2) تارماقشاسى مىناداي رەداكتسيادا جازىلسىن: «2) ينۆەستيتسيالىق باعدارلامانىڭ قارجى-ەكونوميكالىق بولىگىن ىسكە اسىرۋ تۋرالى ەسەپتى تابيعي مونوپوليالار سالاسىندا جانە رەتتەلەتىن نارىقتا باسشىلىقتى جۇزەگە اسىراتىن ۋاكىلەتتى ورگانعا جارتىلدىق ەسەپتى كەزەڭنەن كەيىنگى ايدىڭ جيىرما بەسىنشى كۇنىنەن كەشىكتىرمەي جارتىجىلدىق نەگىزدە ۇسىنادى;»; 20-تارماقتىڭ ءبىرىنشى ءبولىمى مىناداي رەداكتسيادا جازىلسىن: «20. مۇناي ونىمدەرىن وندىرۋشىلەر تابيعي مونوپوليالار سالالارىندا جانە رەتتەلەتىن نارىقتاردا رەتتەۋ مەن باقىلاۋ سالاسىنداعى ۋاكىلەتتى ورگانعا «رەتتەلەتىن نارىقتارداعى باعانى بەلگىلەۋ, رەتتەلەتىن نارىق سۋبەكتىسىنىڭ ينۆەستيتسيالىق باعدارلاماسىن (جوباسىن) بەكىتۋ جانە تۇزەتۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 29 جەلتوقسانداعى № 174 (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10594 بولىپ تىركەلدى) بۇيرىعىمەن بەكىتىلگەن قاعيداسىنىڭ 8-قوسىمشاسىنا سايكەس مۇناي ونىمدەرىن وندىرۋشىلەردىڭ ينۆەستيتسيالىق باعدارلامالارىن ىسكە اسىرۋ تۋرالى ەسەپتى بەرەدى. ينۆەستيتسيالىق باعدارلامانى ىسكە اسىرۋ تۋرالى ەسەپكە ينۆەستيتسيالىق باعدارلامانى وتكىزىلۋىن راستايتىن قۇجاتتار ء(تيىستى شارتتاردىڭ كوشىرمەلەرى, ورىندالعان جۇمىستاردى قابىلداۋ تۋرالى اكتىلەر), ورىندالعان جۇمىستاردىڭ قۇنى جانە شىعىندار تۋرالى انىقتاما, شوت-فاكتۋرالار, مەملەكەتتىك قابىلداۋ كوميسسياسىنىڭ پايدالانۋعا قابىلداۋ اكتىلەرى, ىشكى جۇكقۇجاتتار, مۇناي ونىمدەرىن وندىرۋشىلەردىڭ پايدالانۋعا بەرۋ جانە بالانسقا قابىلداۋ تۋرالى ىشكى بۇيرىقتارى) قوسا بەرىلەدى. قاجەت بولعان جاعدايدا ۋاكىلەتتى ورگان جانە تابيعي مونوپوليالار سالالارىنداعى جانە رەتتەلەتiن نارىقتارداعى باسشىلىقتى جۇزەگە اسىراتىن ۆەدومستۆالىق مەملەكەتتiك ورگان مۇناي ونىمدەرىن وندىرۋشىدەن ينۆەستيتسيالىق باعدارلامانى ىسكە اسىرۋ تۋرالى ەسەپتى قاراۋ ءۇشىن قاجەتتى قوسىمشا اقپاراتتى جازباشا نىساندا سۇراتادى.». 2. قازاقستان رەسپۋبليكاسى ەنەرگەتيكا مينيسترلىگىنىڭ مۇناي ونەركاسىبىن دامىتۋ دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇن ىشىندە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى; 3) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى بەرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ەنەرگەتيكا ءمينيسترى ق. بوزىمباەۆ «كەلىسىلگەن» قازاقستان رەسپۋبليكاسىنىڭ ۇلتتىق ەكونوميكا ءمينيسترى _____________بيشىمباەۆ ق.ۋ. 2016 جىلعى «___» __________ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 10 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14100 بولىپ ەنگىزىلدى.